හතු සහ කජු මද මාළුව
අවශ්‍ය ද්‍රව්‍ය
හතු ග්‍රෑම් -200
කජු ග්‍රෑම් -50
රතු ලූනු ගෙඩි 4 -5
තක්කාලි
අමු මිරිස් කරල් -04
තුනපහ කුඩු මේස හැදි -01
කහ කුඩු ස්වල්පයක්
පොල් කිරි කෝප්ප -02
ලුණු අවශ්‍ය පමණට
රම්පෙ, කරපිංචා, කුරුඳුපොතු පමණට
සාදන ක්‍රමය
හොඳින් සෝදා ගත් හතු වතුර බේරෙන්නට හැර කපා ගන්න. පොල් තෙල් ස්වල්පයක් ළිප තබා ලියා ගත් රතුලූූනු ,කරපිංචා,අමු මිරිස්, රම්පෙ,තක්කාලි එනකු කර රන්වන් පැහැ වන තුරු බැද ගන්න. එයට සෝදා ගත් කජු මද එක් කර මදක් තෙලෙන් තමබෙන විට තුනපහ කුඩු මිශ්‍රිත කර ගත් හතු එකක් මදක් තෙලෙන් තම්බා පොල් කිරි එක් කරන්න. ඉස්ම සිදී යන විට ළිපෙන් බා කෑමට ගන්න.
දුන් තෙල් බත්
අවශ්‍ය ද්‍රව්‍ය
හාල් කිලෝග්රෑ ම් -01
හොඳ දුම්තෙල් අවුන්ස -02
ගම්මිරිස් ඇට 20ක් පමණ
ලුණු තේ හැදි -04
වතුර අඩු කෝප්ප 08 -09 පමණ
කැබලි කර ගත් රතු ලූනු අවු 02 පමණ
කරපිංච
සාදන ක්‍රමය
තෙල් උණු කර , කරපිංච රන්වන් පැහැ වන තුරු බැද ගන්න. හාල් හා අනෙකුත් දෑ එක්කරස්වල්ප වේලාවකින් බැද ගන්න.පසුව වතුර එක්කර, බත පිස ගන්න. මෙය අට දෙනෙකුට පමණ සෑහේ. බත් සඳහා සහල් හැර වෙනත් විවිධ ධාන්‍ය වර්ග ආහාර වේලකට සකස් කර ගත හැක.ඒවා අතර මෙනේරි
තණ හාල්, අමු ඕලු ඇට විශේෂිත වෙයි. මෙනේරි ඇට වලින් පිස ගන්නා බත්, අධිකතර බව , දියවැඩියාව,අධික රුධිර පීඩනය,ඇති රෝගීන් සඳහා යෝග්‍ය වේ.
වෙල් මාළු ව්‍යංජනය
අවශ්‍ය ද්‍රව්‍ය
සම ඉවත් කර සුද්ද කර කපා ගත්, ලූල් මාළු හෝ කොරලියා මාළු ග්‍රෑම් 500
සිහින්ව අඹරා ගත් ගොරකා මේස හැඳි -01
සිහින්ව අඹරා ගත් ගම්මිරිස් මේස හැඳි -01
අමු මිරිස් කරල් -03
කරපිංචා
මිරිස් කුඩු මේස හැදි 01
තළා ගත් කරදමුංතු
තළා ගත් කරාබු නැටි
ලියා ගත් රතු ලූනු
කුරුදු පොතු ස්වල්පයක්
පොල් තෙල් මේස හැඳි 01
ලුණු අවශ්‍ය පමණට
සාදන ක්‍රමය
තෙල් ලිප තබා එයට රතු ළූනු, තරපිංචා, කුරුදු පොතු, , අමු මිරිස් දමා රන්වන් පැහැ වන තුරු බැද ගන්න. මිරිස් කුඩු, ගම්මිරිස් කුඩු, ලුණු අතගා ගත් මාළු එයට දමා පොල්
තෙලෙන් තැම්බෙන්නට හරින්න. තළාගත් කරදමුංගු,කරාබු නැටි එයට එක් කරන්න. ඉන්පසු වතුර කෝප්ප 01 ක් පමණ දමා තැම්බෙන්න හරින්න. ඉස්ම මදක් සිඳීගෙන එන විට ළිපෙන් බා ආහාරයට ගන්න.
සමන්ති මිරියගල්ල
