කවි කොළ දහසකට වඩා රචනා කළ සුප්‍රකට ගැමි කිවිවරයකු වූ මැදිවත්තේ මාටින් අප්පුහාමි කවියාට උපහාර පිණිස ඔහුගේ උපන්ගම වූ මතුගම මීගහතැන්නේදී සැප්තැම්බර් 21 වැනි සෙනසුරාදා උදේ 9.30 ට මීගහතැන්න මධ්‍ය මහා විද්‍යාලයේ ශ්‍රවණාගාරයේදී උත්සවයක් පැවැත්වේ.
පරාක්‍රම කොඩිතුවක්කු කවීන්ද්‍රයාගේ ' සකල සිරින් පිරි කවි කොළේ' අභිනව ග්‍රන්ථය ජනගත කිරීම ද එහිදී සිදු වේ. මහාචාර්ය ආරියරත්න ඇතුගල, කවීන්ද්‍ර බුද්ධදාස ගලප්පත්ති, විචාරක සුනිල් ගුණවර්ධන මෙහි දෙසුම් පැවැත්වීමට නියමිත ය. එහිදී කවි කොළ ගායනා ප්‍රසංගයක් ද ඉදිරිපත් කෙරෙනු ඇත.
