බුදු පදවියෙන් පසු ලොව ඇති උතුම්ම පදවිය මවු පදවියයි. එය හැම කාන්තාවකටම ලබා ගත හැකි දෙයක් නොවේ. දස මසක් කුස දරා දහසක් දුක් විඳ අප මෙලොවට බිහි කළේ අපේ අම්මාය. ඇඟට උනන ලේ කිරි කර පෙව්වේ අපේ අම්මාය.
පැරණි සමාජයේ මෑණියන්ට සැලකුවේ ගෙදර දෙවැනි බුදුන් ලෙසිනි. එහෙත් පැරණි සමාජයට වඩා මෙම සමාජය බෙහෙවින්ම වෙනස්ය. අද සමාජය දිහා බැලුවිට තම මෑණියන්ට සලකන දරුවන් ඇත්තේ සීමිත ප්‍රමාණයකි.
මේ පොසොන් මාසයේ දරුවන්ට මෑණියන්ගේ අගය වැඩි වැඩියෙන් සිහිපත් කළ යුතුය. මෑණියන් පමණක් නොව පියාණන් ඇතුළු වැඩිහිටි සැමට ගෞරව කිරීමේ ගුණය අප සිත්හි වඩමු.
බී. ඒ. නෙත්මි සංසලා
11 ශ්‍රේණිය ‘බී’,
කැනඩා ළමා මධ්‍යස්ථානය,
නෙටොල්පිටිය.
