ඇහැළේපොළ
කුමාරිහාමි වෙමි මම
හිමියන් කළ වරද
අප හිස මත වැටුණා
මගෙ දරුවොත් මමත්
සිරිබත් කති මෙදිනා
කුරිරු රාජසිහ රජුගේ අණ ඇසෙනා
දං ගෙඩියට හිස දුන්නා
ම පුතු වීරයකු ලෙසිනා
බිලිඳිය කොටන්නයි රජ අණ ලැබුණේ
පියවි සිහිය නැතිවුණා දැනිණි මට මේවේලේ
පියවි සිහිය ලැබෙනා විට නැවත මට
ගලක් බැඳ හමාරය මගෙ ගෙල වටට
මොහොතක් ගතවිය මා පොර බදිමි
බෝගම්බර වැවේ නිල් දිය රැල්ල මත
බී.එච්. මදාරා දිසානායක
9ශ්‍රේණිය ‘සී’,
ශාන්ත ජෝශප් බාලිකා මහා විද්‍යාලය,
ගම්පොළ
කිරි වෙහෙර
පොලොන්නරුවේ ආලාහන පිරිවෙන් භූමියේ පිහිටි කිරි වෙහෙර මහ පරාක්‍රමබාහු රජු විසින් ඉදිකර ඇත. සුභද්‍රා බිසව සිහිවීම පිණිස ඉදිකර ඇති මේ වෙහෙර උසින් මීටර් 24 ක් හා වට ප්‍රමාණයෙන් මීටර් 25.40 ක් වෙයි.
වෙහෙර වාහල්කඩ හා ප්‍රතිමා ගෘහවලින්ද සමන්විත වේ. ප්‍රධාන ප්‍රවේශය නැගෙනහිර දිශාවෙනි. කිරි වෙහෙර යන නම ලැබී ඇත්තේ එය සුදු පැහැයෙන් යුත්ත වූ නිසාවෙනි. දකුණු ඉන්දිය ආක්‍රමණයෙදී අවම හානියක් වූ එකම ස්ථානය ලෙස හඳුනාගෙන ඇත. පෞරාණික ලක්ෂණ මනාව පෙන්නුම් කරයි. වාස්තු විද්‍යාත්මකව හා පුරාවිද්‍යාත්මකව වැදගත්කම් ඇති සිද්ධස්ථානයකි.
ඉෂාන් උදයංග
12ශ්‍රේණිය,
හීනටිගල ශාරිපුත්‍ර මහ විද්‍යාලය,
තල්පේ
මා උපන් මගේ රට
ඉන්දීය සාගරයේ මුතු ඇටය ලෙස ශ්‍රී ලංකාව ප්‍රසිද්ධය. මා ඉපදුණු රට නිසා ශ්‍රී ලංකාව මගේ මවුබිම ලෙස හඳුන්වයි. අපේ රට පෘතුගීසි, ලන්දේසි හා ඉංග්‍රීසි ජාතිකයන්ට යටත්ව තිබිණි. ඔවුන්ගෙන් රට බේරාගැනීම සඳහා එදා වීරයෝ දිවි පිදූහ.
එලෙස දිවි පුදා රට බේරා ගෙන අප රටට නිදහස ලැබුණේ 1948 පෙබරවාරි හතර වැනිදා ය.
අපේ රටේ සිංහල, දෙමළ, මුස්ලිම්, බර්ගර් යන ජාතීහු හතරක් ජීවත් වෙති. මගේ රට සරුසාර පොළොවකින් සහ මල්, ගස්, වැල් පඳුරුවලින් යුත් වනාන්තර රාශියකින් යුක්තයි. මගේ රට ඉතා සුන්දර අලංකාර රටකි.
සදිති රුවිනිමා
3 ශ්‍රේණිය ‘එස් - බී’,
බෞද්ධ කාන්තා විද්‍යාලය,
කොළඹ.
මගේ රට
පෙරදිග ලෝකයේ බබළන මුතු ඇටයයි
ඒ නාමයෙන් මගෙ රට සැමදා දිදුලයි
රන්වන් කරලින් පිරිපුන් අපේ කෙත් යායයි
මේ බිම උපදින්න මම හරි පින්කාරයි
එම්.ජී.එන්. ලක්ෂාණි
7 ශ්‍රේණිය,
කල්තොට දකුණ ඉවුර විද්‍යාලය,
වැලිපත,
බළන්ගොඩ
සුළඟ
මඳ සුළං හමනවා
ගස් කොළන් සැලෙනවා
මගේ ඇගේ වැදෙනවා
විඩා නිවෙනවා
මල් පොකුරේ හැපෙනවා
සුවඳ සුළ‍ඟෙ එතෙනවා
හැම තැනකම දුවනවා
මගේ හිතට සතුට දැනෙනවා
රන්දි මෙත්නුලී බාලචන්ද්ර
2 ශ්‍රේණිය ‘ඩී’,
ශ්‍රී මේධංකර මහා විදුහල,
හොරණ.
