ශ්‍රී ලාංකේය ලේඛකයන්ගේ ප්‍රකාශන නිදහස සහ මූල්‍යමය අයිතිය වඩාත් හොඳින් ආරක්ෂා කිරීම වෙනුවෙන් අප විසින් ‘ReadingBox’ කර්තෘ ප්‍රකාශන සංසදය පිහිටුවා ගන්නා ලද අතර එය සංස්කෘතික දෙපාර්තමේන්තුවේ ‘DCA/ 06/03/05/02/සං:සං/කො - 131’ අංකය යටතේ ප්‍රකාශන සංසදයක් ලෙස දැනටමත් ලියාපදිංචි කොට ඇති අතර ඒ සඳහා සහෘද සැමගේ සාමාජිකත්වය ද එක් රැස් කරමින් සිටී.
සංසදය මගින් කිත්සිරිමෙවන් ජයසේනයන් විසින් රචිත ස්වතන්ත්‍ර නාට්‍ය පිටපත් 4 ක් ප්‍රථම ජනගත කිරීමේ උලෙළ වෙනුවෙන් තෝරා ගෙන ඇති අතර, ඒ උලෙළ එළැඹෙන සැප්තැම්බර් මස 13 වැනිදා සවස 2.30 ට කටුබැද්දේ Talent Asia ආයතනයේ දී පැවැත්විමට කටයුතු සූදානම් කර තිබේ.
ආරාධිත දේශකයන් ලෙස සමාජවාදී සමානතා පක්ෂයේ ප්‍රධාන ලේකම් විජේ ඩයස් සහ wsws.org වෙබ් අඩවියේ කර්තෘ මණ්ඩල සාමාජික පානිනී විජේසිරිවර්ධන යන අය විසින් ‘සංස්කෘතික සෝදාපාළුව හා අද දවසේ කලාකරුවාගේ කාර්ය භාරය’ යන මාත‍ෘකාව යටතේ දේශනයක් හා සංවාද මණ්ඩපයක් පැවැත්වෙනු ලැබෙයි
