මෙරට ණය බර ලිහිල් කිරීම සඳහා ශ්‍රී ලංකාවට සිය ණය ආපසු ගෙවීමට වසර 12 ක් දක්වා කාලය ලබාදීමට ඉන්දියාව සැලසුම් කර ඇති බව සීමාසහිත ඉන්දීය අපනයන ණය ඇපකර සංස්ථාවේ (ECGC)හි සභාපති සහ කළමනාකාර අධ්‍යක්ෂ එම්.සෙන්තිල්නාදන් පවසා ඇත.
දශක හතකට වැඩි කාලයක් තුළ දරුණුතම ආර්ථික හා දේශපාලන අර්බුදයට මුහුණ දුන් ශ්‍රී ලංකාව, ද්විපාර්ශ්වික ණය හිමියන්ට ඩොලර් බිලියන 7.1ක් ණයවී ඇති අතර, එයින් චීනයට ඩොලර් බිලියන 3ක්, පැරිස් සමාජයට ඩොලර් බිලියන 2.4ක් සහ ඉන්දියාවට ඩොලර් බිලියන 1.6ක් ගෙවීමට ඇති බවද ඔහු පෙන්වා දී ඇත. මේ වසර මුලදී ජාත්‍යන්තර මූල්‍ය අරමුදල (IMF) ශ්‍රී ලංකාව සිය ආර්ථිකය ස්ථාවර කිරීමට සහ එහි ණය ප්‍රතිව්‍යුහගත කිරීම ආරම්භ කිරීමට ඩොලර් බිලියන 3 ක ණය වැඩසටහනක් අනුමත කළේය. ජාත්‍යන්තර මූල්‍ය අරමුදල විසින් අනුමත කරන ලද මාස 48 ක වැඩසටහන යටතේ දූපත්-ජාතියට ඩොලර් මිලියන 333ක් පමණ ක්ෂණිකව ලබා දෙන ලදී.
භාණ්ඩ 286ක් සඳහා පනවා තිබූ ආනයන සීමා ඉවත් කර ඇති බැවින් ශ්‍රී ලංකාවේ මූල්‍ය තත්ත්වය වැඩි දියුණු වෙමින් පවතින බව සැලකිය යුතුයි. මුලදී, එහි රජයට මුහුදු ආහාර, ඉලෙක්ට්‍රොනික උපකරණ සහ සංගීත භාණ්ඩ ඇතුළු භාණ්ඩ 3,200කට වැඩි ප්‍රමාණයක් ආනයනය සීමා කර තිබුණි.
