හිරු කුමරා මුහුදු කුසේ සැඟවී යනවා
උදේ පිපුණු මල් සවසට මුකුළිත වෙනවා
ගොවි ගෙවිලියො වැඩ නිම වී ගෙදරට එනවා
සැන්දෑවේ මිහිරියාව ලොවට කියනවා
වැටකොළු මල් කහ පාටින් විකසිත වෙනවා
අත්තම්මා පහන තියා බුදුන් වඳිනවා
සඳ කුමරිය කන්ද උඩින් එබී බලනවා
සැන්දෑවේ මිහිරියාව ලොවට කියනවා
හෙන්දිරික්ක මල් දැන් දැන් අපට පෙනෙනවා
කුරුලු රංචු කැදලි කරා පියඹා යනවා
පුංචි නංගි සිනා සෙමින් නින්දට යනවා
සැන්දෑවේ මිහිරියාව ලොවට කියනවා
තරු කුමරියො හඳ මාමා වටේ ඉන්නවා
පුංචි අපිත් තරු බලන්න මිදුලට යනවා
අඳුර මකා පොඩි එළියක් අපට පෙනෙනවා
සැන්දෑවේ මිහිරියාව ලොවට කියනවා
කේ.එම්.එම්.පී. කුමාරසිංහ
5 ශ්‍රේණිය,
දිද්දෙණිය මහ විදුහල,
මැල්සිරිපුර.
