මඩකළපුව - ඔලුවිල් නාවික හමුදා කදවුරේ නිරෝධායන මධ්‍යස්ථානයේ සිටි පුද්ගලයින් 03 දෙනකු ඉරණවිල කොවිඩ්19 ප්‍රථිකාර මධ්‍යස්ථානයට අද (19) රැගෙන ආ බව එම ප්‍රථිකාර ඒකකය සදහන් කරයි.
ඉකුත්දා ජා ඇල ප්‍රදේශයෙන් හමුවූ රෝගියා සමග ඇසුරු කළ ඔලිවිල් නාවික හමුදා කඳවුරේ නිරෝධායන මධ්‍යස්ථානයේ නිරෝධායනයේ යෙදී සිටියදී , මෙලෙස හදිසියේම පුද්ගලයින් 03 දෙනකු කොරෝනා රෝග ලක්ෂණ පෙන්නුම් කිරීම නිසා ප්‍රථිකාර කිරීම සඳහා මෙම රෝගීන් ඉරණවිලට රැගෙන ඒමට සෞඛ්‍ය අංශ කටයුතු කර තිබේ.
හලාවත - ඉරණවිල ඇමරිකන් හඬ භුමියේ ඉකුත්දා රජය විසින් අලුතින් විවෘත කරන ලද මෙම ප්‍රථිකාර මධ්‍යස්ථානයේ දැනට කොවිඩ්19 රෝගය වැළදුණු රෝගීන් 18 දෙනකු ප්‍රථිකාර ලබයි.
