ඕස‍්ට්‍රේලියාවේ ඇති වූ ළැව් ගිනි නිසා සතුන් මිලියන 480කට වැඩි ප්‍රමාණයක් මරණයට පත් වී ඇත. අප වගේම අහිංසක සත්තුද ජීවත් වීමට ආසා කරති. මිහිතලය මත ජීවත් වීමට ඇති අයිතිය මිනිසුන්ට හා සතුන්ට එක සමානව ඇත.
සමහර මිනිසුන් කුරුල්ලන්, හාවුන් වැනි අහිංසක සතුන් කූඩුවල සිර කර සුරතලයට ඇති කරයි. එයින් සතුන්ගේ නිදහස අහිමි වේ. සත්තුද මිනිසුන් මෙන් ඔවුන්ගේ වර්ගයා සමඟ නිදහසේ ජීවත්වීමට කැමැතියි. මේ නිසා සුරතලයට සතුන් ඇති කිරීමේදී ඔවුන්ට හිංසාවක් නොවන ආකාරයට කටයුතු කළ යුතුය.
සමහර නපුරු මිනිස්සු මස් සඳහාද, දත්, නිය, සම විකිණීම සඳහා කැලෑවේ ජීවත් වන කොටින්, මුවන්, ගෝණුන්, ඇතුන් මරා දමති. ඒ නිසා මිනිසුන්ගේ ආරක්ෂාව හා සමානවම සතුන්ගේ ආරක්ෂාවද සැලසීම අප සැමගේ යුතුකමකි.
ඒ.බී. චතුමි සෙහෙන්සා
4 ශ්‍රේණිය ‘බී’,
යශෝධරා දේවි බාලිකා
මහා විද්‍යාලය, ගම්පහ
----------
නියඟය අවසානයි
සාර මසක් ගෙවිලා දැන් අප ගමට
වහින බවක් නම් මට නැහැ පෙනෙන්නට
පොළොව ඉරිතළා ගොස් දැන් උණුසුමට
තේරෙන්නේ නැද්ද මේ දුක දෙවියන්ට
ඉරු දෙය්යෝ අපිත් එක්ක උරණ වෙලා
තදට පායලා ගහකොළ දුඹුරු වෙලා
වැව් පොකුණුත් දැන් දැන් වේළී යනවා
වැස්ස වලාහක දෙවියෝ තරහ වෙලා
එක දවසක් මහා හඬින් හයියෙන් වැස්සා
වැව් පොකුණු වැසි දියෙන් පිරීතිරි ගියා
ගස්වැල් හැම එකක් ම නව දළු දා වැඩුණා
නියඟය අවසන්ව පරිසරයම හැඩ ව‍ූවා
එච්.එම්.ඩී.එස්. හේරත්
7 ශ්‍රේණිය,
කිංස්වුඩ් විදුහල, මහනුවර
