පාස්කු ඉරුදින ප්‍රහාරයේ මූලික වගකීම රාජ්‍ය බුද්ධි සේවයේ (SIS) ප්‍රධානීන් බාරගත යුතු බව පවසමින් ඒ ප්‍රහාරය පිළිබඳව කරුණු සෙවූ පාර්ලිමේන්තු විශේෂ කාරක සභාව මාධ්‍ය වෙත සිය අදහස් ප්‍රකාශ කළේ පසුගියදාය. මේ පාර්ලිමේන්තු විශේෂ කාරක සභාව 2019 මැයි මස 23 වැනි දින සිට සැප්තැම්බර් මස 20 වැනි දින දක්වා කාරක සභා රැස්වීම් වාර 19ක් පවත්වා ඇති අතර මෙහි විශේෂත්වයක් වූයේ මෙවැනි කාරක සභාවක් ප්‍රථම වරට මාධ්‍යට විවෘත වීමය. මැයි මස 29 වැනි දින මේ කාරක සභාවට මුලින්ම සාක්ෂි දීම ආරම්භ කළේ ආරක්ෂක අමාත්‍යාංශයේ ලේකම් හා රාජ්‍ය බුද්ධි අංශ ප්‍රධානියාය. අගෝස්තු මස 6 වැනිදා අගමැති රනිල් වික්‍රමසිංහ මහතා ඇතුළු පිරිසකුත් මෙහි අවසන් සාක්ෂි කැඳවීම ලෙසින් සැප්තැම්බර් 20 වැනි දින ජනාධිපති මෛත්‍රීපාල සිරිසේන මහතාත් සාක්ෂි දී තිබිණි. ඉන් සමහරක් මාධ්‍යයට විවෘත වූ අතර ජාතික ආරක්ෂාව සම්බන්ධ කරුණු සමහරක් අවස්ථා මාධ්‍යට විවර නොවීය.
පාර්ලිමේන්තු විශේෂ තේරීම් කරක සභාව අවස්ථා ගණනාවකදීම පාස්කු ප්‍රහාරයට සම්බන්ධ සාක්ෂි ලබා ගැනීමට කැදවීම් සිදු කළ අතර, මෙහිදී ඔවුන් විසින් අනාවරණය කර ගත් කරුණු කිහිපයක් කෙරෙහි වාර්තාවේ විශේෂ අවධානයක් යොමු කර තිබුණි.
සහරාන් ඇතුළු ත්‍රස්තවාදී කල්ලිය පිළිබඳව කල්තියා තොරතුරු ලැබී තිබියදීත්, අත්අඩංගුවට ගැනීමට අධිකරණ නියෝග නිකුත් කර තිබියදීත්, වගකිවයුතු අංශ ඔවුන් අත්අඩංගුවට ගැනීමට ක්‍රියා කර නොතිබූ බවත්, මුල සිට අවධානයෙන් හා වගකීමෙන් කටයුතු කළේ නම් මේ ප්‍රහාරය වළක්වා ගත හැකිව තිබූ බවත්, විශේෂ කාරක සභාවේ වාර්තාවේ සඳහන් වෙයි. මේ ප්‍රහාරය පිළිබඳව කල්තියා තොරතුරු දැනගත් අවස්ථාවේදී ඒ පිළිබඳව කාදිනල්තුමන් දැනුම්වත් කළේ නම් ප්‍රහාරය වළක්වා ගත හැකිව තිබූ බවත්, සහරාන් කල්ලිය ක්‍රියාත්මක වූ නැගෙනහිර පළාතේ පොලිස් ප්‍රධානීන් කිසිවකුටත් මේ සිද්ධිය පිළිබඳව දැනුම් නොදීම විශාල අඩුපාඩුවක් බවත් ප්‍රකාශ කරයි. එහිදි වැඩි අවධානයක් යොමු කර තිබුණේ මේ ප්‍රහාරය සම්බන්ධයෙන් කලින් තොරතුරු ලැබී තිබුණු හෙයින් ඒ සම්බන්ධයෙන් අදාළ බලධාරීන් නිසි ක්‍රියා මාර්ග ලබා නොගත් බවට වන කරුණ කෙරෙහි ය. එසේ වී තිබුණේ බුද්ධි හා ආරක්ෂක අංශවල තිබී ඇති ප්‍රමාදය හේතුවෙනි.
පාර්ලිමේන්තු විශේෂ කාරක සභාව සිය වාර්තාවේ දැඩිව අවධාරණය කරන්නේ මෙය බුද්ධි අංශය තුළ ප්‍රධාන ස්ථානය ගන්නා රාජ්‍ය බුද්ධි අංශ අධ්‍යක්ෂකගේ පාර්ශ්වයෙන් සිදුවූ බලපතළ අසාර්ථක වීමක් බව ය. එනිසා මෙහි ප්‍රධාන වගකීම රාජ්‍ය බුද්ධි අංශ අධ්‍යක්ෂක සතුවුව ද, අනිකුත් අයත් මෙහි වගකීම් පැහැර හැර ඇති බව පෙනේ. අදාළ චෝදනා නඟන කමිටුව පවසන්නේ ආරක්ෂක අමාත්‍යාංශය, පොලිස්පති, ජාතික බුද්ධි ප්‍රධානි, හා හමුදා බුද්ධි අංශ සිය වගකිම් ඉටු කිරීමට අපොහොසත් වි ඇති හෙයින් මේ අවාසනාවන්ත සිදුවීම ලක් වැසියන්ට විඳින්නට සිදුවූ බවයි.
මෙහිදී අදහස් දක්වා ඇති කාරක සභාව වැඩි දුරටත් පවසා සිටින්නේ; වෙනත් අරමුණු තිබූ පුද්ගලයන් විසින් වසර අග භාගයේදි එළැඹීමට නියමිත ජනාධිපතිවරණය ඉලක්ක කර ගනිමින් රට තුළ බියක් හා අවිනිශ්චිතතාවක් ඇති කිරීම අරමුණු කර ගනිමින් කළ ක්‍රියා පිළිබඳ, ලැබුණු බුද්ධි තොරතුරු මත කටයුතු නොකළේ මන්ද යන්න සොයා බැලිය යුතු බවයි.
මේ පාස්කු ප්‍රහාරය සම්බන්ධයෙන් අදහස් දක්වන කමිටුව පවසන්නේ, අවස්ථා ගණනාවකදී ජනාධිපතිවරයා සිය නායකත්වය ලබා දීමට අපොහොසත් වී ඇති බවයි. ආරක්ෂක මණ්ඩල රැස්වීම් වලට අදාළ පුද්ගලයන් සහභාගි කර නොගැනීම මඟින් රජය හා එහි පද්ධති දුර්වල කළ බව ඒ යටතේ චෝදනා නඟා ඇති අතර; ව්‍යවස්ථා අර්බුදයෙන් උත්සන්න කරන ලද ආණ්ඩුව තුළ බෙදීම් ද මීට හේතුවක් වු බව පෙන්වා දෙයි. මීට වසරකට පෙර ලංකාවේ සිදුවූ ව්‍යවස්ථා අර්බුදය ද ආරක්ෂක තත්ත්වය කෙරේ සෘජු බලපැමක් ඇති කළ බව පවසන කමිටු වාර්තාව; අගමැති රනිල් වික්‍රමසිංහ මහතා ව ඒ තනතුරින් ඉවත් කර මහින්ද රාජපක්ෂ මහතාව බලහත්කාරයෙන් අගමැති පුටුවේ හින්දවීම, පාර්ලිමේන්තුව තුළ ඇති වූ නොසන්සුන්කාරී හැසිරීම් මෙන්ම ව්‍යවස්ථා අර්බුදයේ නිමාව හා එයින් ඇතිවූ අයහපත් තත්ත්වය පියවරෙන් පියවර විග්‍රහ කර ඇත. මේ කොමිසම් වාර්තාව අවසානයේ පවසා සිටින්නේ ඒ තත්ත්වය හේතුවෙන් රටේ ආරක්ෂක යාන්ත්‍රණයේ ප්‍රබල පිරිහීමකට ලක් වූ බවයි.
පාස්කු ප්‍රහාරය පිළිබඳ සෙවීමට පත්කළ පාර්ලිමේන්තු විශේෂ තේරීම් කාරක සභාව විසින් පාස්කු ප්‍රහාරයට වගකිව යුත්තන් වශයෙන් චෝදනා නඟා ඇති තවත් පිරිසක් වන්නේ අගමැතිවරයා, ආරක්ෂක රාජ්‍ය ඇමැතිවරයා හා නීතිපති දෙපාර්තමේන්තුව ය. මොවුන් ඇතුළු තවත් ආයතන හා පුද්ගලයන් රැසක් සිය වගකිම් පැහැර හැර ඇති ආකාරය මෙහි ලැයිස්තු ගත කොට ඇත.
පාස්කු ප්‍රහාරයෙන් අනතුරුව සිදුවු දෑ පිළිබඳ ව අදහස් දක්වන කාරක සභාව පවසන්නේ පාස්කු ප්‍රහාරයෙන් අනතුරුව ඇතැම් දේශපාලඥයන් වගකිම් විරහිත ප්‍රකාශ කළා පමණක් නොව අවුළුවන සුළු ප්‍රකාශ ද කළ බවත් ඊට එරෙහිව නීතිය ක්‍රියාත්මක කළ යුතු බවත් ය. වගකීම් විරහිත වෛරී ප්‍රකාශ කිරීම් සම්බන්ධයෙන් පාර්ලිමේන්තු විශේෂ කාරක සභා වාර්තාව නැගෙනහිර පළාත් හිටපු ආණ්ඩුකාර එම්.එල්.ඒ.එම්. හිස්බුල්ලා මහතාටද චෝදනා නඟා ඇත. සහරාන්ලාට ක්‍රියාත්මකවීමට යම් යම් දේශපාලන ශක්තීන් ලැබුණේ දැයි වෙනම විමර්ශන කළ යුතු බව ද එහි දැක්වෙයි.
මේ වාර්තාවේ සඳහන් වන තවත් වැදගත් තොරතුරක් වන්නේ; ජාතික ආරක්සෂාව සම්බන්ධයෙන් ජාතික ආරක්ෂක මණ්ඩලයේ රැස්වීම් පැවැත්විම හා ඊට කැඳවීම් සිදු කළ ආකාරය දැඩිව විවේචනය කිරීමයි. 2018 නොවැම්බර් මස 13 වැනි දිනෙන් පසුව පොලිස්පතිවරයාට ආරාධනා නොකරන ලෙසට ජනාධිපතිවරයා විසින් ආරක්ෂක අමාත්‍යාංශයේ එවකට සිටි ලේකම්වරයාට උපදෙස් උපදෙස් දුන් බවත්, එමෙන්ම අගමැතිවරයාට හා රාජ්‍ය ආරක්ෂක අමාත්‍යවරයාට ආරාධනා නොකරන බවටත් එහිදී උපදෙස් ලැබී ඇති බව සඳහන් ය. එහෙත් මේ වසරේදි විපක්ෂයේ මන්ත්‍රීවරුන් 4 දෙනෙකු වන දයාසිරි ජයසේකර, තිලංග සුමතිපාල, මහින්ද අමරවීර හා ලසන්ත අලගියවන්න යන විපක්ෂයේ මන්ත්‍රීවරුන්ට ජාතික ආරක්ෂක කවුන්සල රැස්වීම්වලට සහභාගි කරවා ඇති බව එහි සඳහන් ය.
 |
| ශ්‍රී ලංකා හෝටල් සංගමයේ 54 වන සංවත්සරය නිමිත්තෙන් සංවිධානය කර තිබූ වාර්ෂික සමුළුව අග්‍රාමාත්‍ය රනිල් වික්‍රමසිංහ මහතාගේ ප්‍රධානත්වයෙන් පසුගියදා කොළඹදී පැවැත්විණි. එහිදී හෝටල් ක්ෂේත්‍රයේ දක්වන ලද දායකත්වය වෙනුවෙන් සිරිල් ගාඩිනර් සහ රත්න සිවරත්නම් මහත්වරුන් වෙත අගමැතිවරයා සමරු තිළිණ ප්‍රදානය කළේය. |
දින කිහිපයක් මුළුල්ලේ සාක්ෂි ලබා ගැනීමෙන් අනතුරුව පාර්ලිමේන්තු විශේෂ කාරක සභාව විසින් සොයා ගත් සොයා ගැනීම් ද මෙහි සටහන් කර තිබුණි. ඒ යටතේ ඔවුන් හඳුනාගත් ප්‍රධාන ගැටලුවක් වූයේ ආරක්ඹක හා බුද්ධි රාමුව තුළ සිදුවූ ගැටලු ය. එනම් ආරක්ෂක හා බුද්ධි තොරතුරු රැස් කිරීමේ හුවමාරු කිරීමේ දුර්වලතාවන් ය. මෙහිදි රාජ්‍ය බුද්ධි සේවා අධ්‍යක්ෂවරයාගේ සාක්ෂි දිම් දිගින් දිගමට විග්‍රහ කරන කාරක සභා වාර්තාව පවසන්නේ, 2019 අප්‍රේල් 4 වැනිදා සිය මූලාශ්‍රයකින් වට්අප් ඇප් හරහා බුද්ධි තෙරතුරු ලද බව බුද්ධි සේවා අධ්‍යක්ෂවරයා කාරක සභාව වෙ පැවුසුවද ඒ මූලාශ්‍ර මොනවාද යන්න හෙළි නොකළ බවයි.
ඒ හා සමාන තොරතුරු අප්‍රේල් 5 වැනිදා ලිඛිතව ලද බවටද තහවුරු කර තිබුණි. මෙහිදි තමන්ට ලැබුණු බුද්ධි තොරතුරු පිළිබඳව රාජ්‍ය බුද්ධි සේවයේ අධ්‍යක්ෂවරයා පළමුවෙන් දැනුම්වත් කළ පුද්ගලයා වී ඇත්තේ ජාතික බුද්ධි ප්‍රධානියා ය. අප්‍රේල් මස 7 වැනිදා මේ දැනුම්වත් කිරීම සිදුකර ඇති අතර උපදෙස් ද පතා ඇති බව වාරතාවේ සැල ය. අප්‍රේල් මස 8 වැනිදා උදෑසනම තමන්ට එම තොරතුරු ලැබුණ බව රාජ්‍ය බුද්ධි ප්‍රධානී විසින් පාර්ලිමේන්තු කාරක සභාවට පවසා ඇත. 8 වැනි දින සවස ඒ බුද්ධි තොරතුර ආරක්ෂක අමාත්‍යාංශයේ ලේකම් වෙත යවා ඇති බවත්, අදාළ තොරතුරු පොලිසි වෙත යවන ලෙසත් උපදෙස් දී ඇති අතර, කෙසේ වෙතත් 8 වැනි දින උදෑසන ඉන්දීය ආරක්ෂක ලේකම්ගේ සංචාරය හේතුවෙන් ආරක්ෂක අමාත්‍යාංශයේ ලේකම් හමුවීමට ජාතික බුද්ධි ප්‍රධානියට නොහැකි වි ඇති බවත් සඳහන් ය. කෙසේ වෙතත් මෙය බරපතළ කරුණක් බව කමිටු වාර්තාවේ සඳහන් වන අතර; ආරක්ෂක අමාත්‍යාංශයේ ඉහළම නිලධාරීයාට මෙවැනි තත්ත්වයක් දන්වා යැවීමේ සන්නිවේදන අඩුපාඩු තිබීම විශාල අසමර්ථතාවක් ලෙස මෙම කමිටුව අවධාරණය කර ඇත.
මේ කමිටු වාර්තාවේ පාස්කු ප්‍රහාර වැළැක්වීම සඳහා සෘජු භූමිකාවක් ඇති පුද්ගලයෙන්ද ලැයිස්තු ගතකර ඇත.
වාර්තාවේ අවස්ථා කිහිපයකදීම මෙහි වැඩි වගකීමක් පවරා ඇත්තේ රාජ්‍ය බුද්ධි අංශ අධ්‍යක්ෂවරයාට ය. මෙහි මුල් ම තොරතුර ලැබුණු පුද්ගලයා ඔහු වීමත්, ඔහු මෙය ‘ ලෙඩක්‘ ලෙස සඳහන් කිරීම තුළ මේ ප්‍රශ්නයට ඔහු ලබා දී තිබූ වැදගත්කමද මෙම වාර්තාවෙන් දැඩිව විවේචනය කර ඇත.
කෙසේ වෙතත් මෙහිදි අධ්‍යක්ෂකවරයා ගෙන ඇති පියවරද කමිටු වාර්තාවේ සඳහන් කර ඇත්තේ ඔහු ලබා දී තිබුණු සාක්ෂි මත ය. එසේම ඔහු කමිටුවට පවසා තිබුණේ පාස්කු ඉරුදින ප්‍රහාරයට පළමුව ලැබුණු බුද්ධි තොරතුරු පිළිබඳ දේශපාලන නායකත්වය දැනුම්වත් කර නොතිබූ බවයි. මෙය බරපතළ කරුණක් බව කමිටුව සඳහන් කරයි.
 |
| ශ්‍රී ලංකා පත්‍ර කලා සංගමයේ 64 වන සංවත්සර උලෙළ කථානායක කරූ ජයසූරිය මහතාගේ ප්‍රධානත්වයෙන් ශ්‍රී ලංකා පදනම් ආයතනයේදී පසුගියදා පැවැත්විණි. මෙරට මාධ්‍ය ප්‍රවීණයන් මෙන්ම දකුණු ආසියා රටවල ජ්‍යෙෂ්ඨ මාධ්‍යවේදීන් පිරිසක්ද එක් වූ එම සංවත්සර උලෙළේදී පුවත්පත් කලාව වෙනුවෙන් අනභිභවනීය දායකත්වයක් ලබා දුන් ජ්‍යෙෂ්ඨ මාධ්‍යවේදීහු සම්මානයට පාත්‍ර වූහ. එහිදී ජ්‍යෙෂ්ඨ මාධ්‍යවේදී, සිළුමිණ හිටපු කර්තෘ එඩ්මන්ඩ් රණසිංහ මහතා කථානායකවරයා අතින් සම්මාන ලද අවස්ථාව... |
මෙම කමිටු වාර්තාවේ ජනාධිතිවරයා විසින් ලබා දුන් ප්‍රකාශ පිළිබඳ දීර්ඝ විග්‍රයක යෙදෙයි. 2019 අප්‍රේල් මස 16වැනිදා ජනාධිපතිවරයා රටින් බැහැර වන විට වැඩ බලන ආජ්‍ය ආරක්ෂක ඇමැතිවරයකු පත් නොකිරීම පිළිබඳව ද විවේදනය කරයි.
එසේම පාස්කු ප්‍රහාර සම්බන්ධයෙන් තමන්ට දැනුම් දෙන ලද්දේ ලංකාවේ වේලාවෙන් පෙ.ව 7.30/ 8.30 අනුරූප වන පෙ.ව 10/11 පමණක් බව ජනාධිපතිවරයා කාරක සභාවේදි පැවැසු බවත්, එයින් පෙනි යනුයේ ප්‍රහාර වලට පෙර ජනාධිපතිවරයා දැනුම්වත් කළ බවත් ය. මාධ්‍ය වාර්තා හුවා දක්වමින් රාජ්‍ය බුද්ධි සේවා අධ්‍යක්ෂක විසින් 2019 අප්‍රේල් 11 වැනි දින ජනාධිපතිවරයා දැනුම්වත් කළ බව පාර්ලිමේන්තු විශේෂ කාරක සභාව නිරීක්ෂණය කරයි. එහෙත් තමාට දැනුම් දෙනු ලැබූයේ ප්‍රහාරවලින් පසුව බව ජනාධිපතිවරයාගේ සඳහන් කළ බව කාරක සභාව පවසයි.
මේ වාර්තාව කතානායකවරයා විසින් නීතිපතිවරයාට යොමු කර ඒ මාර්ගයෙන් අවශ්‍ය අධිකරණ ක්‍රියාමාර්ග ගත හැකි බව පාර්ලිමේන්තු විශේෂ කාරක සභාව පවසයි. එයින් එකක් වන්නේ ව්‍යූහමය හා නීතිමය ප්‍රතිසංස්කරණ වල අවශ්‍යතාවයි. එසේම වෙනස්වන ආරක්ෂක අභියෝගයන්ට විසදුම් සෙවීමේදි අත්‍යාවශ්‍ය වන ජාතික ආරක්ෂක උපදේශකවරයකුගෙන් සමන්විත ස්වාධීන හා ශක්තිමත් ජාතික ආරක්ෂක මණ්ඩලයක අවශ්‍යතාවත් පෙන්වා දෙයි. එසේම මේ කමිටුව විසින් නැඟී ගෙන එන අන්තවාදයද විශේෂ අවධානයක් යොමු කරමින් කතා කර ඇත. මෙහිදි කමිටුව පවසන්නේ මේ වන විට ලංකාවේ බොහෝ පළාත්වල වහබ්වාදයේ හා අරාබිකරණයේ විශාල වැඩි වීමක් පෙන්නුම් කරන බවයි.
මෙවැනි කරුණු කාරණ රැසක් හුවා දක්වමින් පාස්කු ප්‍රහාරය සම්බන්ධයෙන් සිය වාර්තාවේ ඉතා දිගු විස්තර කිරීමක් කර ඇති අතර මෙමඟින් වහා සිදුකළ යුතු විශේෂ නිර්දේශ අටක්ද පාර්ලිමේන්තුවට ඉදිරිපත් කර ඇත. ආරක්ෂක හා බුද්ධි අංශ ප්‍රතිසංවිධානය කිරීම, ශක්තිමත් මූල්‍ය අධීක්ෂණ යාන්ත්‍රණයක් ඇති කිරීම, ආගමික අන්තවාදය පාලනය හා අධීක්ෂණය කිරීමේ අවශ්‍යතාව, අධිකරණ ප්‍රමාද වැළැක්වීමට නීතිපති දෙපාර්තමේන්තුව ප්‍රතිසංවිධාන කිරීම, වහබ්වාදයට, ඉස්ලාම් අන්තවාදයට විරුද්ධව ක්‍රියාමාර්ග ගැනීම, මාධ්‍ය වාර්තාකරණය හා ව්‍යාජ පුවත් ගැන අවධානය යොමු කිරීම, දේශපාලනඥයන් ජනතාව වෙනුවෙන් වගවීමට සැලැස්වීම හා නැගී එන අන්තවාදය මැඩපැවැත්වීමට අධ්‍යාපන ප්‍රතිසංස්කරණ ඇති කිරීම ඒ නිර්දේශ අටයි. පාර්ලිමේන්තු විශේෂ කාරක සභාවේ වාර්තාව පිළිබඳ දින දෙකක විවාදයක් ඉදිරියේදී පැවැත්වීමට නියමිතය.
