කිසියම් විදේශීය ජනතාවක් විසින් කිසියම් රාෂ්ට්‍රයකට විරුදාවලී නාමයක් අරෝපණය කිරීමේදී හුදෙක් වඩාත් සැලකිලිමත් වන්නේ ඒ රාජ්‍යයේ ආශ්චර්යවත්භාවය බව කියනුම කවරේද? අනාදිමත් කාලයක සිට ම අපේ කිවිවරයන්ගේ පෙරදිග මෙන් ම ගිනි කඳු පිපිරීම් අනවරත කුණ්ඩවාඩ ආදී බලවත් පිරිපත්වලින් එහෙම පිටින්ම මිදී තිබෙන නිසාද ජාත්‍යන්තර ලෙස ඉන්තේරුවෙන් ම ජනප්‍රසාදයට පත්වී ඇති බව නොරහසකි. මේ ඉසුරුමත්කම කරණකොටගෙන ඈත අතීතයේ සිටි චීන ජාතිකයෝ ලංකාවට භාවිත කළෝ “සිමොන්ඩා” යන්න වේ. ක්වේරෝස් නමැති පෘතුගීසි ඉතිහාසඥයාට අනුව ඒ නමේ තේරුම “දියදායෙහි පුදුමය” යි.
පෙර බුදුවරයන්ගේ කාලවකවානුවලදී වරදිම නොහොත් ඕජෝ ද්වීපය (ඔජදිව) යනුවෙන් හැඳින්වුණ මේ රටේ ආසිරිකම පිළිබඳ බොහෝ ග්‍රීක ලේඛකයෝ ද උනන්දුවක් දක්වා සිටියහ. ක්විබෙක් වැනි විසාල නැව් ඉන්දියන් සාගරයේ සැරිසරනු ඉමහත් රුචියෙන් බලා සිටි එවැන්නකි. හත්වැනි සියවසේ ජීවත්ව සිටි ඇරියස් සාරවත් මෙන් ම සිරියාවන්ත දේශය යන අරුතැති “පැලසිමොන්ඩා” යන නාමය ඔහු කෙරෙන් අප සන්තක සුන්දර දිවයිනට එදා අඩයාලම් ගැසුණු බව පොතපතේ දැක්වේ. ග්‍රීක සාහිත්‍යය තම කුසලතාවෙන් පෝෂණය කරලූ තවත් ලේඛකයකු වූ මරස්වොතීනස් ද මේ කුඩා දූපතට එක්තරා නාමය් පටබැඳ තිබේ. ඒ “ටැප්‍රබෝනා” (TAPRABONA) කියලා ය.
ආර්ථික අතින් බරසාර සම්පතක්වන් ලුණු ලේවාවලින් යටගිය ඉරහ‍ෙඳ්දී ලක් මෑණියන් ඔද වැඩී උන් අන්දම රහසක් ද? නැත. යථෝක්ත ස්වදේශීය සම්පත් මොනවට තහවුරු කරමින් කිසියම් විදේශීය ලේඛකයකු විසින් “සැලිකෝ” (SALICO) වශයෙන් උක්ත පෙරදිග මුතුඇටය හඳුන්වා දී ඇත.
“සලිකේ” (SALIKE) කියාද සිරිල අනන්‍යතාගතකර ඇති අතර කනසිරම් රාජ්‍යය යන දුර්ලභ හැඳින්වීමෙන් ද හත්වැනි සියවසෙහි මෙලක ප්‍රසිද්ධියට පාත්‍ර වී තිබේ. කෝණාගම බුදුන්වහන්සේ වැඩ සිටි සමයේ මේ සදහම් දූපත නම් දරා පැවතුණේ “මණ්ඩදීපය” යනුවෙන් බව ප්‍රකාශ කරනු වටී. අතීතයේ වෙළහෙළඳාම් පිණිස සපැමිණි අරාබීන් සිරිලක රත්නදීපයට ව්‍යවහාර කළේ “සෙයිලාන්්” යන නාමයි. (SEYLAN)
බුරුම භාෂාවෙන් ‘තේහු හොයිගෝ” සහ සිගෝ යනුවෙන් ද මලයාලම් බසින් “සයිලන්තු” යනුවෙන් ද පෙරදිග මුතු ඇටය විරුදාවලීන්ට පාත්‍ර කරලූ අතර චීන ව්‍යවහාරයට අනුකූලව “සෙන්කියා” සහ තායි වහරට සරිලනසේ සුපර් චාන්” ඈ ලෙසින් ද තත් තාමුදීපය හඳුන්වා තිබේ. තවද නොයෙකුත් ලේඛකයන්ට අනුව ශ්‍රී ලංකා ද්වීපය පහත සඳහන් නාමයන්ගෙන් ද සමන්විත වී ඇත්තේය.
* ජම්බු ද්වීප (පාලියෙන්)
* සිංගලම් (දමිළ බසින්)
* ඊළාම් (දමිළ බසින්)
* චිංකලෙයි (දමිළ බසින්)
* තපරවාන්
* තම්බපණ්ණි
* සිලෝන් (ඉංගිරිසි බසින්)
* පිති ක්වෝ (චීන බසින්)
* හෙලන්දු
* හේලිකේ
* කෙයිලෝන්
* දසඛණ්ඩි රාජ්‍යය
(පොතපත ඇසුරෙනි)
