Hi-Expo උසස් අධ්‍යාපන සහ වෘත්තීය මාර්ගෝපදේශන ප්‍රදර්ශනය 8 සහ 9 යන දිනවල පෙ.ව.8.30 සිට ප.ව.5.00 දක්වා මාතලේ ශාන්ත තෝමස් විද්‍යාලයේදී පැවැත්වේ. මෙම ප්‍රදර්ශනය විද්‍යාලයේ ආදි ශිෂ්‍ය සංගමයේ කොළඹ ශාඛාවේ ප්‍රධානත්වයෙන් එහි ප්‍රධාන ශාඛාව සහ සෙසු ශාඛා සහ විද්‍යාලයේ සහයෝගය ඇතිව සංවිධානය කර ඇත.
ප්‍රදර්ශනය හරහා විද්‍යාලයේ සිසුන්ට විවිධ අධ්‍යාපනික මාර්ග සහ වෘත්තීය අවස්ථා ගවේෂණය කිරීමට අවකාශය සලසන අතර දිවයිනේ ප්‍රමුඛ පෙළේ උසස් අධ්‍යාපන ආයතන සහ ඒවායේ අධ්‍යයන වැඩසටහන් පිළිබඳවද ඔවුන් දැනුවත් කරනු ඇත.
මාතලේ දිස්ත්‍රික්කයේ නිපුණතා සංවර්ධන හා වෘත්තීය අධ්‍යාපන දෙපාර්තමේන්තුවේ අනුග්‍රහය ඇතිව පවත්වන විශේෂ වැඩසටහනක්ද මෙම ප්‍රදර්ශනයට සමගාමීව පැවැත්වේ. ප්‍රදර්ශනය පිළිබඳ වැඩි විස්තර සඳහා විදුහල්පති ධම්මික හේවාවසම් ඇමතිය හැකිය. (078 954 7978).
