පාස්කු සමය හා උත්සව සමය උදෙසා මහජනතාවගේ ආරක්ෂාව වෙනුවෙන් විශේෂ ආරක්ෂික වැඩපිළිවෙළක් ක්‍රියාත්මක කර ඇති බව ජ්‍යෙෂ්ඨ පොලිස් අධිකාරි නීතිඥ නිහාල් තල්දූව සිළුමිණට කීය. ඒ සඳහා පොලිස් නිලධාරීන්ට අමතරව ත්‍රිවිධ හමුදා නිලධාරින් ද ආරක්ෂක කටයුතු සඳහා අනුයුක්ත කිරීමට කටයුතු යොදා ඇත. විශේෂයෙන්ම උත්සව සමයේ භාණ්ඩ මිලදී ගැනීමට නගර කරා පැමිණෙන ජනතාවගේ ආරක්ෂාව වෙනුවෙන් ක්‍රියාත්මක මේ ආරක්ෂක වැඩපිළිවෙළේදී බීමත් රියදුරන් සොයා වැටලීම්ද ක්‍රියාත්මක කෙරේ.
