කෘතහස්ත පුවත්පත් කලාවේදියකු වන කලාසූරී ගුණදාස ලියනගේ සැමරෙන ‘ගුලි ගුණ සුවඳ' සමරු උලෙළ මාර්තු 16 වැනි බ්‍රහස්තින්දා සවස 3.30ට කොළඹ නිදහස් චතුරස්‍රයේ ශ්‍රී ලංකා පදනම් ආයතන ශ්‍රවණාගාරයේදී උත්සාවාකාරයෙන් පැවැත්වීමට කටයුතු යොදා ඇත. මහාචාර්ය ඉඳුරාගාරේ ධම්ම්රතන හිමි, මහාචාර්ය සුනන්ද මහේන්ද්‍ර, ජ්‍යේෂ්ඨ මාධ්‍යවේදීන් වන තිලකරත්න කුරුවිට බණ්ඩාර, ගාමිණි සුමනසේකර, අශෝක ඩයස් සහ රුහුණු වෛද්‍ය පීඨයේ පීඨාධිපති මහාචාර්ය වසන්ත දේවසිරි එහිදී කෙටි දෙසුම් පැවැත්වීමට නියමිතය. ගුවන් විදුලි හා රූපවහිනි මාධ්‍ය‍‌ෙව්දියකු සහ පාර්ලිමේන්තුවේ භාෂා පරිවර්තකයකු වූ කලාසූරී ගුණදාස ලියනගේ කෘති 45ක කතුවරයෙකි. මෙම සමරු උලෙළේදී ගුලි විසින් රචිත දෝන කමලාවතී, තෙවැනි සිල්පදය නොකඩමි, කැලෑ පැංචා යන කෘති නව මුද්‍රණ ලෙස එළි දැක්වෙන අතර, ගුණදාස ලියනගේ සමරු ශිෂ්‍යත්ව ප්‍රදානය සහ පාසල් දරුවන්ට පොත්පත් ඇතුළු පාසල් උපකරණ ද පිරි නැමේ. ජනප්‍රිය ගායක ගායිකාවන් රැසකගේ සහභාගීත්වයෙන් මෙහිදී 'පිය සමර ගී සරණිය' රස ගැන්වේ.
ජයන්ති කුරේ
