ආයෝජකයන්ගේ පහසුව සඳහා සෑම දිස්ත්‍රික් ලේකම් කාර්යාලයකටම ආයෝජකයන් සම්බන්ධීකරණය කරමින් කඩිනම් සේවයක් ලබාදීම සඳහා වෙනම කාර්යාලයක් ස්ථාපිත කිරීමට යෝජනා වී තිබේ.
ශ්‍රී ලංකාවේ ව්‍යාපාර පහසු කිරීමේ දර්ශකයේ අගය ඉහළ නැංවීම සම්බන්ධයෙන් පැන නැඟී ඇති ප්‍රායෝගික ගැටලු හා දුෂ්කරතා අධ්‍යයනය කිරීමට හා ඒ පිළිබඳ යෝජනා හා නිර්දේශ ඉදිරිපත් කිරීමට සඳහා වූ පාර්ලිමේන්තු විශේෂ කාරක සභාවේදී මේ තීරණය ගෙන තිබේ.
මේ සම්බන්ධ නිලධාරීන්ට නිසි පුහුණු වැඩසටහන් ක්‍රියාත්මක වීමේ අවශ්‍යතාව, ප්‍රාදේශීය ලේකම් කාර්යාල හරහා ආයෝජන සඳහා අවශ්‍ය ඉඩම් ලබා ගැනීමේ අපහසුව ,විශේෂයෙන් උතුරු නැඟෙනහිර පළාත්වල විශාල වශයෙන් සිදුවන ඉඩම් අක්‍රමිකතාවන්ට කඩිනමින් මැදිහත්වීම, ප්‍රමුඛත්වයක් ලබා දිය යුතු ආයෝජන හඳුනා ගැනීම ඇතුළු කරුණු කාරණා රැසක් මෙහිදි සාකච්ඡාවන්ට ලක්විය.
