ආණ්ඩුව ජනතාවගේ බුද්ධිය අවතක්සේරු කර ඇතැයිද ආණ්ඩුවේ චේතනාව ජනතාව ඉතා හොඳින් හඳුනාගෙන ඇතැයිද සමගි ජන බලවේගයේ පාර්ලිමේන්තු මන්ත්‍රී ඉම්තියාස් බාකිර් මාකාර් සිළුමිණට කීය.
ප්‍රජාතන්ත්‍රවාදය ආරක්ෂා කර ගැනීම වෙනුවෙන් අනෙක් ජනතාව මෙ අවස්ථාවේ නැඟී සිටින බවත් ප්‍රජාතන්ත්‍රවාදය ආරක්ෂා කරන ජනතා නියෝජිතයන් ලෙස තම පක්ෂයද ඒ අනුව කටයුතු කරන බවද ඔහු පෙන්වා දුන්නේය.
තම මතය නිවැරැදි බවට ජනතාවට ඒත්තු ගැන්වීමට ආණ්ඩුවේ ඇතැම් මැති ඇමැතිවරුන් කටයුතු කළත් ඔවුන් ‘හැරෙන විට‘ ජනතාව ඔවුන්ගේ ක්‍රියාකාරීත්වය හොඳින් දන්නා බවද ඔහු අවධාරණය කෙළේය. ඕනෑම ක්‍රියාවක වැදගත් වන්නේ චේතනාව බවත් එවැනි ජනහිතවාදී චේතනාවක් ආණ්ඩුවේ නායකයන් තුළ නොමැති බවත් එවැන්නක් ඇත්නම් ප්‍රජාතන්ත්‍රවාදය රැක ගැනීම වෙනුවෙන් ඔවුන් පළමුව කටයුතු කළ යුතු බවද ඔහු කීය.
