පහර දීමක් සම්බන්ධයෙන් අත්අඩංගුවට පත්ව සිටි එක්සත් ජාතික පක්ෂ පාර්ලිමේන්තු මන්ත්‍රී පාලිත තෙවරප්පෙරුම මහතා සහ හේෂාන් විතානගේ මහතා රුපියල් ලක්ෂය බැගින් වූ ශරීර ඇප දෙකක් මත මුදා හැර තිබේ.
විශ්‍රාමික මේජර් අජිත් ප්‍රසන්න මහතාට පසුගිය දා සිදු කළ පහර දීමක් සම්බන්ධයෙන් මන්ත්‍රීවරුන් දෙදෙනා අද (05) පෙරවරුවේ කොල්ලුපිටිය පොලිසිය විසින් අත්අඩංගුවට ගනු ලැබිණි.
පසුව මන්ත්‍රීවරුන් දෙදෙනා කොටුව මහේස්ත්‍රාත් අධිකරණයට ඉදිරිපත් කිරිමේන් අනතුරුව මෙලෙස ඇප මත මුදා හැර තිබේ.
පසුගිය නොවැම්බර් මස 1 වන දින සවස අරලියගහ මන්දිරය ඉදිරිපිට දී විශ්‍රාමික මේජර් අජිත් ප්‍රසන්න මහතාට පහර දීමක් සිදුව තිබුණි.
කළුතර දිස්ත්‍රික් පාර්ලිමේන්තු මන්ත්‍රී පාලිත තෙවරප්පෙරුම මහතා හා රත්නපුර දිස්ත්‍රික් පාර්ලිමේන්තු මන්ත්‍රී හේෂාන් විතාරණ මහතා සහ තවත් පිරිසක් පැමිණ තමාට ඉතා අසභ්‍ය ලෙස බැන වැදෙමින් පහර දුන් බව පවසමින් ඔහු කොල්ලුපිටිය පොලීසියේ මේ සම්බන්ධයෙන් පැමිණිල්ලක් සිදු කර තිබිණි.
