වය­ඹට මහ­වැලි ජලය

වයඹ පළාතේ හා මාතලේ දිස්ත්‍රි­ක්කයේ පවුල් ලක්ෂ 2කට නොඅ­ඩුව ජලය ලැබෙන වයඹ පළාත් මහ ඇළ ව්‍යාපෘ­තියේ දෙවන පිය­වරේ සමා­ර­ම්භය හා ඌව, උතුරු මැද, වයඹ හා උතුරු මැද පළා­ත්වල වැව් 2400 පිළි­ස­කර කිරීමේ සමා­ර­ම්භක උලෙළ ජනා­ධි­පති මෛත්‍රී­පාල සිරි­සේන මැති­තු­මාගේ ප්‍රධා­න­ත්ව­යෙන් සිකු­රාදා පෙර­ව­රුවේ කුරු­ණෑ­ගල පොල්පි­ති­ග­මදී පැවැ­ත්විණි.

මේ නව ව්‍යාපෘ­තිය මඟින් වයඹ පළාතේ මහ වැව් 8ක් හා කුඩා මධ්‍යම ප්‍රමා­ණයේ වැව් 350ක් පමණ මහ­වැලි ජල­යෙන් පෝෂ­ණය වන අතර මේ ව්‍යාපෘ­තිය මොර­ග­හ­කන්ද - කළු­ගඟ බහු­කාර්ය ව්‍යාපෘ­තියේ තවත් ප්‍රති­ඵ­ල­යකි.

මේ අව­ස්ථා­වට බුද්ධ ශාසන ඇමැති ගාමිණි ජයවික්‍රම පෙරේරා, කෘෂි­කර්ම ඇමැති මහින්ද අම­ර­වීර, වාරි­මාර්ග ඇමැති දුමින්ද දිසා­නා­යක, මහ­වැලි රාජ්‍ය ඇමැති වීර­කු­මාර දිසා­නා­යක යන මහ­ත්වරු ඇතුළු මැති ඇමැ­ති­වරු රැසක් එක්වූහ.

ප්‍රථම අදියරේ ඉදිකළ වයඹ ඇළ

මීට අම­ත­රව වැව් 2400 පිළි­ස­කර කිරීමේ වැඩ­ස­ට­හන යටතේ වයඹ, උතුරු හා ඌව පළා­ත්වල හා අනු­ර­පුර දිස්ත්‍රි­ක්කයේ වැව් පූර්ණ ප්‍රති­සං­ස්ක­ර­ණ­ය­ට‍ ­ල­ක්වෙන බව මහ­වැලි ජල සුර­ක්ෂිත ආයෝ­ජන වැඩ සට­හනේ අධ්‍යක්ෂ ඉංජි­නේරු නීල් බණ්ඩාර මහතා පව­සයි.

මොර­ග­හ­කන්ද - කළු­ගඟ ව්‍යාපෘ­තියේ ප්‍රති­ඵ­ල­යක් ලෙස ජන­තා­වට ලැබෙන මේ ව්‍යාපෘති දෙකට රුපි­යල් කෝටි 4680ක් පමණ රජය වැය කරන අතර 2024 දී සියලු සංව­ර්ධන කට­යුතු ජනතා අයි­ති­යට පත්වෙයි.

වයඹ ඇළ ව්‍යාපෘ­ති­යෙන් වයඹ පළාතේ හා මාතලේ දිස්ත්‍රි­ක්ක­වල ලක්ෂ දෙක­කට පමණ සෙත සැල­සෙන අතර වැව් 2400 ප්‍රති­සං­ස්ක­ර­ණය මඟින් දිස්ත්‍රික්ක 8ක අඩු ගණන් ගොවි පවුල් ලක්ෂ­යක පුද්ග­ල­යන් ලක්ෂ 5 කට පමණ නව කෙත් බිම් සුරැ­කී­මට අඩු නැතිව ජලය ලැබෙන බවත් නීල් බණ්ඩාර මහතා පව­සයි.

දඹුල්ලේ ලෙන­දො­රින් හා දඹුලු ඔයෙන් වයඹ ඇළට ලැබෙන මහ­වැලි ජලය මුලින් ම වෑමැ­ඩිල්ල වම් ඉවුරු ඇළ දක්වා ද පසුව මහ­කි­තුල හා මහ කිරුල ජලාශ දක්වා ද ප්‍රධාන ඇළ මාර්ග­ව­ලින් ගෙනි­යනු ලැබේ. පසුව එම ජලය තවත් ප්‍රධාන ඇළ මාර්ග දෙකක් මගින් වය­ඹට යැවේ. ඒ අනුව මහ­කි­රුළ ජලා­ශ­යෙන් ඇහැ­ටු­වාව ප්‍රදේ­ශයේ කඳු­රු­වැව දක්වා කිලෝ­මී­ටර් 21ක් දුරට ද, මහ­කි­තුල ජලා­ශ­යෙන් මැඩි­යාව මහ­වැව දක්වා කි.මී. 20ක ඇළ පද්ධ­ති­යක් මගින් ඒ ජලය වයඹ කෙත් බිම් වලට සැපයේ. මීට අම­ත­රව මැඩි­යාව ඇළ මාර්ගයේ සිට කිලෝ­මී­ටර් 10ක් දිග යාප­හුව ඇළ මාර්ගය මගින් මෙතෙක් ජලය නැතිව දුක් විඳි ජන­තා­වට යල මහ වගා කිරී­මට අව­ස්ථාව ලැබේ.

වයඹ ඇළ ව්‍යාපෘ­තිය මඟින් මාතලේ දිස්ත්‍රි­ක්කයේ දඹුල්ල ගලේ­වෙල ප්‍රදේ­ශයේ ග්‍රාම නිල­ධාරි කොට්ඨාස 22ක් ආව­ර­ණය වන අතර කුරු­ණෑ­ගල දිස්ත්‍රි­ක්කයේ පොල්පි­ති­ගම අඹ­න්පොළ ඇහැ­ටු­වැව ගල්ග­මුව මහව ප්‍රාදේ­ශීය ලේකම් කොට්ඨා­ස­වල ග්‍රාම නිල­ධාරි වසම් 25ක් ආව­ර­ණය වේ. ගොවි පවුල් 40000ක් සෙත සැල­සෙන මේ ව්‍යාපෘ­තිය මඟින් වය­ඹට ලැබෙන මුළු ජල ප්‍රමා­ණය වස­ර­කට ඝන මීටර් මිලි­යන 130කි.

ජනා­ධි­ප­ති­තු­මාට ඇඹුල පිරි­නැමූ අව­ස්ථාව.