රැකියා අපේක්ෂකයින් හට තමන් බලාපොරොත්තු වන රැකියාවක් වෙනුවෙන් තම ප්‍රචාරක කටයුතු සිදුකිරීමට නවතම වෙබ් අඩවියක් ජුනි 15 වැනිදා උත්සවාකාරයෙන් විවෘත වේ. www.palamuwen.com යනුවෙන් නම් කර ඇති එය රැකියා අපේක්ෂකයින්ට පමණක් නොව සේවා යෝජකයින්ට ද ප්‍රතිලාභ ලබා දීමේ අරමුණින් ආරම්භ කර ඇත.
මේ යටතේ රැකියා අපේක්ෂකයින්ට www.palamuwen.com යන වෙබ් අඩවියට පිවිස ඔවුන්ගේ ජීවදත්ත තොරතුරු ඇතුළත් කළ හැකිය. ඒ තුළින් සේවා යෝජකයින් හට රැකියාවට අදාළ සුදුසුකම් සහිත උචිත අයදුම්කරුවන් සොයා ගැනීමේ අවස්ථාව හිමිවේ. www.palamuwen.com සුවිශේෂී ලක්ෂණයක් වන්නේ සිංහල, ද්‍රවිඩ සහ ඉංග්‍රීසි භාෂා තුනෙන්ම එය ප්‍රකාශයට පත්කිරීමයි. එදිනෙදා කටයුතු සඳහා සුදුසු සම්පත් සොයා ගැනීම දුෂ්කර වන අවස්ථාවන්හිදී ඒ සඳහා මෙම වෙබ් අඩවිය අනඟි සේවයක් සිදුකරනු ඇතැයි එම සමාගමේ අධ්‍යක්ෂවරයකු ප්‍රකාශ කළේය.
ස්මාට් ජංගම දුරකථන භාවිතය පාරිභෝගිකයින් අතර වඩාත් ප්‍රචලිත බැවින් ඕනෑම ස්ථානයක සිට මෙම වෙබ් අඩවියට ප්‍රවිෂ්ට විය හැකි බව පවසන එහි සංවිධායකයින් විදේශ රැකියා අවස්ථා ද ඉදිරියේදී වෙබ් අඩවියට ඇතුළත් කිරීමට කටයුතු යොදා තිබේ. එමඟින් ශ්‍රී ලංකාවේ ආර්ථිකය ශක්තිමත් කිරීමට මහඟු මෙහෙයක් වනු ඇත.
