ලොව ප්‍රකට ආරක්ෂක කැමරා සහ උපාංග සන්නාමයක් වන Hikvision සමාගමේ මෙරට අනුබද්ධිත ජාතික බෙදාහරින්නා වන IT Gallery ආයතනය විසින් මෙහෙයවනු ලැබූ Hikvision Deep Learning 2019 සමුළුව පසුගියදා සාර්ථකව නිමා කරන ලදී.මෙම සමුළුව තුළදී IT Gallery පාර්ශ්වකරුවන් සඳහා නවීනතම ස්මාර්ට් කැමරා ආරක්ෂණ පද්ධති සහ ආරක්ෂණ සේවා පද්ධති පිළිබඳ හැඳින්වීමක් සිදු කළ අතර සහභාගී වුවන්ට වීඩියෝ ආරක්ෂණ අංශය සඳහා AI තාක්ෂණය භාවිත කළ හැකි ආකාරය පිළිබඳ දැනුවත් කිරීමක් සිදු කරන ලදී. තවද Deep Learning Al-gorithms භාවිතයෙන් වීඩියෝ ආරක්ෂණ පද්ධති, ඉතා ඉහළ නිරවද්‍යතාවයකින් හා වේගයකින් සිදුවීම් සහ හැසිරීම් හඳුනා ගැනීමට සහ විශ්ලේෂණය කිරීමට හැකියාව ඇති විශසනීය දෘශ්‍ය බුද්ධි පද්ධති (authentic visual intelligence ecosystems) බවට පත් කරනුයේ කෙසේද යන්න පිළිබද පැහැදිලි අවබෝධයක් ලබා දීම සිදු කරන ලදී.
