මෙරට රජ සමයෙන් පසු ඉදිවන දිගම වේලි සංකීර්ණය සහිත යාන්ඔය වාරි යෝජනා ක්‍රමයේ වාන් ඔය මහ ජලාශයට ජලය පිරවීම ලබන ඔක්තෝබර් සිට සිදු කිරීමට නියමිත බව යාන්ඔය ව්‍යාපෘතියේ අධ්‍යක්ෂ යූ.එන්. හේමකුමාර මහතා පවසයි. මේ ජලාශය පරාක්‍රම සමුද්‍රයටත් වඩා විශාල අතර වේලි සංකීර්ණයේ සම්පූර්ණ දුර කිලෝමීටර් 6.11 කි.
මෙම මහ ජලාශය වේලි 5 කින් යුක්ත වේ. එහි ප්‍රධාන වේල්ල කිලෝමීටර් 2.58 ක් දිග අතර අනෙක් සදැළි වේලි හතරේ දිග කිලෝමීටර් 3.5 ක් වෙයි. රජ සමයෙන් පසු මෙතරම් දිග වේලි 5 කින් යුත් මහ ජලාශයක් මෙරට ඉදි කරන්නේ ප්‍රථම වරටය.
